27 Sentyabr – Anım Günü ilə bağlı Milli Arxiv İdarəsində, o cümlədən İdarənin tabeliyində fəaliyyət göstərən dövlət arxiv xidməti təşkilatlarında silsilə xarakterli tədbirlər həyata keçirilir.

Dövlət Arxivi Gəncə filialının rəhbərliyi və əməkdaşları Anım Günü ilə əlaqədar olaraq Gəncə şəhərində yerləşən Şəhidlər Xiyabanını ziyarət edərək, şəhid məzarlarının üzərinə tər güllər düzüblər. Əməkdaşlar Şəhidlər Xiyabanını ziyarətə gələn Şəhid ailələri ilə görüşüblər. Bununla yanaşı filialda mühafizə edilən və Vətən müharibəsi şəhidlərinin şəxsi mənşəli sənədlərindən ibarət səyyar sərgi təşkil edilib. Müvafiq sənədlər Şəhidlər Xiyabanını ziyarətə gələn vətəndaşlar və məktəblilər arasında böyük maraqla qarşılanıb. Filialın əməkdaşları sənədlər haqqında maraqlanan şəxsləri məlumatlandırıblar.

Dövlət Arxivi Şirvan filialının rəhbərliyi və əməkdaşlarının iştirakı ilə filialda Anım Günü ilə bağlı tədbir keçirilib. Əməkdaşlar Şirvan şəhərində yerləşən Şəhidlər Xiyabanını ziyarət edib, şəhid məzarlarının üzərinə tər güllər düzüblər. Daha sonra şəhid ailələri ilə görüşlər keçirilib, tibb məntəqələrində müalicə alan şəhid anaları ziyarət olunub.

Dövlət Arxivi Göyçay filialının rəhbərliyi və əməkdaşları Göyçay şəhərində yerləşən Şəhidlər Xiyabanını ziyarət edib, şəhid məzarlarının üzərinə tər güllər düzüblər.