9 İyun - Beynəlxalq Arxivlər Günü münasibətilə Dövlət Arxivinin Şəki filialında “Açıq qapı” günü keçirilib
10
Июнь 2026 09:38
Новости
Baxış sayı : 118
Azərbaycan Respublikasının Milli Arxiv İdarəsi tərəfindən təsdiq olunmuş tədbirlər planına uyğun olaraq, Dövlət Arxivinin Şəki filialında 9 iyun - Beynəlxalq Arxivlər Gününə həsr edilmiş “Açıq qapı” günü keçirilib.
Tədbirin əsas məqsədi arxivlərin fəaliyyətini ictimaiyyətə tanıtmaq, sənədlərin qorunması və gələcək nəsillərə çatdırılmasının əhəmiyyətini nümayiş etdirmək olmuşdur.
Tədbirdə Şəki Dövlət Regional Kollecinin “Arxiv və kargüzarlıq” ixtisası üzrə təhsil alan tələbələr iştirak edərək, arxivdə saxlanılan sənədlərlə, o cümlədən onların mühafizə şəraiti yaxından tanış oldular.
Tədbir zamanı filialın direktoru Ehtiram Məmmədov tələbələrə arxiv işinin təşkili, sənədlərin qəbulu, mühafizəsi, təsnifatı və istifadəyə verilməsi qaydaları haqqında ətraflı məlumat verdi. Həmçinin filialın əməkdaşları tərəfindən tələbələrin sualları cavablandırıldı, onlara gələcək peşə fəaliyyətlərində faydalı olacaq tövsiyyələr verildi.
