Şirvan şəhərini ziyarət edən Kərkük Kültür Dərnəyi Başkanı Kərküklü yazıçı, şair, jurnalist Şəmsəddin Kuzəçi Azərbaycan Respublikası Dövlət Arxivinin Şirvan filialında olub.
27
Октябрь 2023 11:54
Новости
Baxış sayı : 487
26 oktyabr 2023-cü il tarixində Şirvan şəhərini ziyarət edən Kərkük Kültür Dərnəyi (Ankara) Başkanı Kərküklü yazıçı, şair, jurnalist Şəmsəddin Kuzəçi və Azərbaycan Respublikasının Əməkdar jurnalisti, Azərbaycan Mətbuat Şurası İdarə heyətinin üzvü Azər Həsrət Azərbaycan Respublikası Dövlət Arxivinin Şirvan filialında olub.
Qonaqlar 18 Oktyabr – 09 Noyabr tarixlərində ARDA Şirvan filialında təşkil edilmiş “Müstəqil Ölkəmin qəhrəman oğulları” adlı sərgi ilə tanış olublar.
ARDA Şirvan filialının kollektivi masa ətrafında tədqiqatçının Kərkük və Azərbaycan mədəniyyətinə, ədəbiyyatına aid kitablarını birgə müzakirə edib. Kərkük ədəbiyyatı mövzusunda 70-dən artıq kitabın müəllifi olan Şəmsəddin Kuzəçi Arxivə hədiyyə etdiyi kitabları barədə kollektivə geniş məlumat verib. İraq-Azərbaycan Kərkük-Azərbaycan elmi-ədəbi əlaqələrinin inkişaf etdirilməsində böyük xidmətlər göstərən tədqiqatçı Azərbaycana səfərləri barədə kitab üzərində çalışdığını və 24-cü səfərinin Şirvan şəhərinə olduğunu bildirib.
Sonda xatirə şəkilləri çəkilib.
