Dövlət Arxivi Gəncə filialının rəhbərliyi Samux rayonu Qarayeri qəsəbəsi 2 saylı tam orta məktəbin 100 illiyi münasibətilə keçirilən tədbirdə iştirak edib
17
Март 2025 03:23
Новости
Baxış sayı : 64
14 mart 2025-ci il tarixində Samux rayonu Heydər Əliyev Mərkəzində rayonun Qarayeri qəsəbəsi 2 nömrəli tam orta məktəbinin 100 illik yubiley tədbiri keçirilib. Tədbirdə rayon ictimaiyyətinin nümayəndələri, təhsil işçiləri və digər tanınmış şəxslər, o cümlədən Dövlət Arxivi Gəncə filialının rəhbərliyi və kollektivi iştirak ediblər. Dövlət Arxivinin Gəncə filialının direktoru Eleonora Süleymanova tədbirdə çıxış edərək bildirib ki, adıçəkilən məktəbin 100 illiyi məhz Dövlət Arxivinin Gəncə filialında daimi mühafizə edilən arxiv sənədləri əsasında keçirilir. E. Süleymanova Qəza Xalq Məktəbləri Müfəttişliyinin müfəttişi Cavad bəy Cuvarlının imzası ilə təsdiq olunmuş sənəd və bu mövzuya aid olan digər sənədlər haqqında məlumat verdi.
Digər çıxış edən natiqlər arxiv sənədlərinin ölkəmizin ictimai-siyasi, iqtisadi, mədəni, təhsil və digər sahələrdə əvəzolunmaz məlumat mənbəyi olduğunu diqqətə çatdırdılar.
Tədbirdə həmçinin məktəbin ilk məzunları olan tanınmış şəxslər, incəsənət nümayəndələri və məktəbin şagirdləri çıxış etdilər.
.jpeg)
