20 Yanvar faciəsinin 35-ci ildönümü münasibətilə Dövlət Arxivinin Gəncə filialında Şəhid valideynləri ilə görüş keçirilib
17
Январь 2025 02:43
Новости
Baxış sayı : 112
16 yanvar 2025-ci il tarixində 20 Yanvar faciəsinin 35-ci ildönümü münasibətilə Dövlət Arxivinin Gəncə filialında Şəhid valideynləri ilə görüş keçirilib.
Əvvəlcə şəhidlərin xatirəsi bir dəqiqəlik sükutla yad edildi. Dövlət Arxivinin Gəncə filialının direktoru Eleonora Süleymanova Şəhid valideynləri qarşısında çıxış edərək, 20 Yanvar hadisələrindən başlayaraq Antiterror Əməliyyatına qədər xalqımızın igid oğul və qızlarının torpaqlarımızın bütövlüyü uğrunda apardıqları mübarizə yolu haqqında qısa məlumat verdi. Müzəffər Ali Baş Komandan İlham Əliyevin rəhbərliyi altında Şanlı Ordumuzun zəfərləri ilə 20 Yanvar və digər faciələr zamanı şəhid olmuş vətəndaşlarımızın qisasının alındığını bildirdi. Daha sonra Şəhid valideynləri “Vətən Müharibəsi Şəhidləri – Zəfərimizin qəhrəmanları” arxiv fondunun sənədləri əsasında hazırlanmış sərgi ilə tanış oldular. Tədbir zamanı Vətən Müharibəsi Şəhidi Əsgərov Rauf Vaqif oğlunun şəxsi mənşəli sənədlərinin daimi dövlət mühafizəsinə verilməsi ilə bağlı aktı imzalandı. Bununla yanaşı digər Şəhidlərin şəxsi mənşəli sənədlərini filiala təhvil verilməsi prosesi davam etdirilir.
Tədbir diskussiya formatında davam etdirilib.
.jpeg)
