8 Noyabr – Zəfər Günü münasibətilə Dövlət Arxivinin Gəncə filialında Şəhidlərimizin şəxsi mənşəli sənədlərindən ibarət sənəd sərgisi və tədbir keçirilib
07
Ноябрь 2023 12:31
Новости
Baxış sayı : 469
Dövlət Arxivi Gəncə filialının kollektivi ilk olaraq Gəncə şəhərində yerləşən Şəhidlər Xiyabanını ziyarət edib. Daha sonra filialda 44 günlük Vətən Müharibəsində torpaqlarımızın düşmən işğalından azad olunması uğrunda döyüşən və qəhrəmancasına həlak olan Gəncə Şəhidlərinin şəxsi mənşəli arxiv sənədlərindən ibarət sənəd sərgisi və Gəncə Şəhər Uşaq evinin iştirakı ilə tədbir keçirilib.
Şəhidlərimizin xatirəsinin yad edilməsi ilə başlayan tədbiri fililalın aparıcı arxivçisi İlqar Mursaqulov açıq elan edərək 44 günlük Vətən Müharibəsində Müzəffər Ali Baş Komandan İlham Əliyevin uğurlu siyasətindən, yenilməz əzmindən, mərd oğullarımızın qəhrəmanlığından, xalqımızın “Dəmir yumruq” ətrafında sıx birləşməsindən və ordumuzun parlaq qələbəsindən danışdı.
Gəncə Şəhər Uşaq evinin nümayəndələri Azərbaycanın ərazi bütövlüyünə, şəhid və qazilərimizin şücətinə həsr olunmuş “Qarabağ Azərbaycandır!” adlı adəbi-bədii kompozisiya ilə çıxış ediblər.
