Azərbaycan Respublikasının Milli Arxiv İdarəsi 2019-cu ildə Respublika dövlət arxivlərinin rəhbərlərinin və əməkdaşlarının peşə biliklərinin, ixtisaslarının o cümlədən nəzəri və praktiki bacarıqlarının artırılması məqsədilə yerlərdə seminar-məşğələlərin keçirilməsini davam etdirir. 

Seminarlarda arxiv işinin bütün sahələrini əhatə edən mövzular üzrə – arxivlərdə sənədlərin mühafizəsinin təmin edilməsi, milli arxiv fondunun komplektləşdirilməsi,  sənədlərin dəyərinin ekspertizası, idarə arxivlərinin işinə nəzarət, sənədlərin istifadəsi və milli arxiv fondunun elektron daşıyıcılara köçürülməsi və dövlət arxivlərində elektron xidmətlərin təşkili üzrə çıxışların və  müzakirələrin aparılması nəzərdə tutulmuşdur.  

Növbəti seminar 5 oktyabr 2019-cu tarixində isə Dövlət Arxivinin Şirvan filialında keçirilmişdir. Seminarda filialın direktoru Hamlet Hüseynov, filialın əməkdaşları, həmçinin filialın əhatə dairəsinə daxil olan Saatlı, Sabirabad və Hacıqabul rayon dövlət arxivlərinin müdirləri iştirak etmişdirlər.

Seminar məşğələ Milli Arxiv İdarəsinin əməkdaşları - Natiq Eminov, Cəmaləddin Cavadov və Həbib Həsənov tərəfindən aparılmışdır.

Seminarlar zamanı cari məslələlər barədə geniş müzakirlər keçirilmiş, İdarənin əməkdaşları tərəfindən müvafiq tövsiyələr, iş prosesində istifadə edilən metodiki vəsaitlər arxivçilərə verilmişdir.