Dövlət Arxivinin Şəki filialına tələbələrin ekskursiyası təşkil edilib

08 İyun 2026 09:51 XƏBƏRLƏR Baxış sayı : 287

Azərbaycan Respublikasının Milli Arxiv İdarəsi tərəfindən təsdiq olunmuş Dövlət Arxivi Şəki filialının 2026-cı ilin İş Planına uyğun olaraq, Şəki Dövlət Regional Kollecin 3-cü kurs tələbələrinin filiala ekskursiyası təşkil olunub.

Ekskursiya zamanı filialın direktoru Ehtiram Məmmədov tələbələrə arxiv işinin təşkili, sənədlərin mühafizəsi, qeydiyyatı, komplektləşdirilməsi, istifadəsi, informasiya təminatı və elektron xidmətlər istiqamətində görülən işlər barədə məlumat verdi.

Tələbələr arxivdə saxlanılan müxtəlif dövrlərə aid sənədlər, onların mühafizə şəraiti, mühafizəxanaların iş rejimi ilə yaxından tanış oldular. Ekskursiya çərçivəsində arxiv sənədlərinin daimi mühafizəyə qəbulu, uçotu və istifadəyə təqdim olunması prosesləri əyani şəkildə nümayiş etdirildi.

Sonda tələbələri maraqlandıran suallar cavablandırıldı.