11 Dekabr 2023 12:45 XƏBƏRLƏR Baxış sayı : 829
Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində İnnovasiya və Rəqəmsal İnkişaf Agentliyinin təşəbbüsü ilə Estoniyanın “Digital Nation” şirkəti ilə birgə əməkdaşlıq çərçivəsində “Rəqəmsal Transformasiya üzrə Rəhbər” adlı təlim proqramı həyata keçirilib. Təlimçilər arasında dövlət sektorunun rəqəmsallaşdırılması sahəsində dünyanın aparıcı ekspertləri kimi tanınan Siim Sikkut, Taavi Linnamäe, Anna-Maija Karjalainen və digər şəxslər yer almışdır. Proqramın əsas məqsədi dövlət sektorunda dayanıqlı rəqəmsal transformasiya üzrə təşkilati mədəniyyət və təcrübəni inkişaf etdirmək üçün liderlər qrupunun formalaşdırılmasıdır. 16-17 noyabr və 7-8 dekabr tarixlərində keçirilən dörd günlük sessiyadan ibarət proqramda müxtəlif mövzular üzrə bölünmüş komandalarda layihə üzərində birgə iş və təcrübə mübadiləsi aparılmışdır. Sözügedən təlimdə Milli Arxiv İdarəsinin Arxiv işinin rəqəmsallaşdırılması və innovasiyalar şöbəsinin müdiri Roza Əliyeva iştirak etmişdir. Təlimin sonunda iştirakçılara sertifikat təqdim olunmuşdur.
| Bugün: | 1952 |
| Dünən: | 2210 |
| Bu həftə: | 9942 |
| Son həftə: | 15125 |
| Bu Ay: | 47758 |
| Son Ay: | 48609 |
| Bu İl: | 303745 |
| Ümumi: | 1997670 |
AZ1106, Bakı şəhəri, Ziya Bünyadov pr., 3
Tel: (+99412) 562 97 75 Faks: (+99412) 562 97 56 E-mail: info@milliarxiv.gov.az
