Azərbaycan Respublikası Milli Arxiv İdarəsi tərəfindən təsdiq olunmuş müvafiq  iş planına uyğun olaraq, Xaçmaz, Kürdəmir, Ağsu, Qobustan Rayon Dövlət Arxivlərində tələbələrin və yuxarı sinif şagirdlərinin adıçəkilən arxivlərə növbəti ekskursiyası təşkil olunub.

Belə ki, Xaçmaz Dövlət Peşə Təhsil Mərkəzinin "Kargüzarlıq və ofis xidmətləri" və "Kargüzar" qrupu tələbələri Xaçmaz RDA-da, Ağsu şəhəri Nadir Aslanov adına 1 saylı tam orta məktəbin 11-ci sinif şagirdləri Ağsu RDA-da, Qobustan şəhəri Elyar Vəliyev adına 2 saylı tam orta məktəbin 10-cu sinif şagirdləri Qobustan RDA-da, Kürdəmir şəhəri Famil Həşimov adına 3 saylı orta məktəbin 10-cu sinif şagirdləri Kürdəmir RDA-da olublar. Rayon Dövlət Arxivlərinin müdirləri Kəmalə Əhmədova, Kamran Nuriyev, Teymur Ağayev, Əli Kərimov tələbə və şagirdlər qarşısında çıxış edərək arxiv işinin təşkili, sənədlərin mühafizəsi, qeydiyyatı, komplekləşdirilməsi, istifadəsi, informasiya təminatı və rəqəmsallaşdırılması üzrə görülən işlər, o cümlədən müvafiq normativ hüquqi aktların tələbləri haqqında məlumat verdilər.

Daha sonra tələbə və şagirdlər sənədlərin mühafizə şəraiti, mühafizəxanaların iş rejimi ilə yaxından tanış oldular və onların sualları cavablandırıldı.