05 İyun 2024 09:40 XƏBƏRLƏR Baxış sayı : 251
9 iyun Beynəlxalq Arxivlər Günüdür
2024-cü il 3-9 iyun tarixləri Beynəlxalq Arxivlər Şurasının (BAŞ) üzvü olan dövlətlərin arxiv təşkilatları tərəfindən «KİBERARXİVLƏR HƏFTƏSİ» kimi qeyd edilir. BAŞ (İCA) üzvü olan ölkələrin peşəkar arxivçiləri tərəfindən seçilən bu mövzu arxivlərin və sənədlərin idarə edilməsi sahəsində çalışan mütəxəssisləri dünyada gedən texnoloji inkişafın arxiv işinə necə təsir etdiyini müzakirə etməyə dəvət edir. İnsanların həyat keyfiyyətini yüksəldən gələcəyin təmin olunmasında arxivlərin çoxşaxəli rolunu təşviq etməyə, inkişaf edən rəqəmsal dünyada yeni texnologiyaların imkanlarından istifadə etməklə arxivlərin cəmiyyətin inkişafına xidmət edən qərarların qəbul edilməsində, şəfaffaflığın gücləndirilməsində, vətəndaşların hüquqlarının və mədəni irsin qorunmasında daha fəal iştirak etməyə çağırır.
Azərbaycan Respublikasının dövlət arxiv xidməti təşkilatlarını «KİBERARXİVLƏR HƏFTƏSİ» çərcivəsində mövzu üzrə keçirilən işgüzar müzakirələrdə iştirak etməyə, fəaliyyətlərində rəqəmsal dünyanın texnoloji imkanlarından faydalanmağa dəvət edirik.
Azərbaycan Respublikasının Milli Arxiv İdarəsi Dövlət Arxivlərində, habelə digər idarə, müəssisə və təşkilatlarda çalışan arxivçiləri Beynəlxalq Arxivlər Günü münasibətilə təbrik edir, məsuliyyətli və şərəfli peşələrində onlara uğurlar arzulayır.
Bugün: | 106 |
Dünən: | 723 |
Bu həftə: | 4941 |
Son həftə: | 4995 |
Bu Ay: | 5675 |
Son Ay: | 24099 |
Bu İl: | 192913 |
Ümumi: | 1213334 |
AZ1106, Bakı şəhəri, Ziya Bünyadov pr., 3
Tel: (+99412) 562 97 75 Faks: (+99412) 562 97 56 E-mail: info@milliarxiv.gov.az