İclasda Azərbaycan Respublikası Milli Arxiv İdarəsinin rəhbərliyi, Dövlət   İdarələri və İctimai  Xidmət İşçiləri Həmkarlar İttifaqı Respublika Komitəsinin nümayəndəsi, İdarənin struktur bölmə rəhbərləri, dövlət arxiv xidməti təşkilatlarının rəhbərləri və əməkdaşlar iştirak edirdi. 

Dövlət Himninin ifası ilə başlayan iclasda protokola uyğun olaraq, Azərbaycan Respublikası Milli Arxiv İdarəsinin Həmkarlar İttifaqı Komitəsinin sədri Aqil Məmmədov 2019-2024-cü illər üzrə komitənin fəaliyyəti haqqında hesabat xarakterli məruzə ilə çıxış etdi. 

Komitənin Təftiş Komissiyasının sədri Səyyarə Hacıyeva hesabat ilində aparılmış ödəmələr barədə ətraflı məlumat verdi.

Komitə üzvləri məruzə ətrafında çıxış edərək öz fikir və təkliflərini çatdırdılar.  Daha sonra Komitənin hesabat dövründə fəaliyyəti səsə qoyularaq qənaətbəxş qiymətləndirildi.

Daha sonra Gender məsələləri ilə bağlı Milli Arxiv İdarəsinin Gender məsələləri üzrə məsul şəxsi Günel Ağayarovanın hesabatı dinlənildi. 

Açıq səsvermə yolu ilə  Aqil Məmmədov yenidən sədr seçildi. İdarə rəisinin müavini Həsən Həsənov və Dövlət   İdarələri və İctimai  Xidmət İşçiləri Həmkarlar İttifaqı Respublika Komitəsinin nümayəndəsi Rəhilə Babayeva seçilmiş sədrə və heyətə gələcək işlərində uğurlar arzuladilar.