Azərbaycan Respublikasının

Milli Arxiv İdarəsi

Arxiv işlərinə gərək çox ciddi fikir verək.
Bir tərəfdən ona görə ki, bu, xalqımızın tarixini əks etdirən
yeganə mənbədir. İkincisi də ona görə ki, tariximizi təhrif
edənlərin qarşısını almaq üçün çox mühüm amildir.

Son Xəbərlər

Dövlət Arxivinin Gəncə filialında 1941–1945-ci illər İkinci Dünya müharibəsində Qələbənin 79-cu ildönümünə həsr edilmiş tədbir keçirilib

07 may 2024-cü il tarixində  “Müharibə. Qələbə. Yaddaş” adı altında keçirilən tədbirdə Gəncə Dövlət Universitetinin müəllimi, filologiya üzrə fəlsəfə doktoru Sabirə Bayramova, kinorejissor, jurnalist Mahir İsayev, Sənaye və Texnologiyalar üzrə Gəncə Dövlət Peşə Təhsil Mərkəzinin müəllimi Rəşad Hüseynov, mərkəzin tələbələri və filialın əməkdaşları iştirak ediblər.

İlk öncə dövlətimizin ərazi bütövlüyü və suverenliyi uğrunda Şəhid olan hərbiçilərimizin, o cümlədən İkinci Dünya Müharibəsində həlak olmuş həmvətənlərimizin ruhu sükutla yad edildi. Tədbiri açıq elan edən Dövlət Arxivi Gəncə filialının direktoru Eleonora Süleymanova 1941-1945-ci illərdə İkinci Dünya müharibəsi zamanı faşizmə qarşı döyüşən azərbaycanlı diviziyaların döyüş yolu, həmvətənlərimizin şücaəti haqqında, o cümlədən Azərbaycan neftinin qələbənin qazanılmasında müstəsna rolundan danışdı.  

Daha sonra çıxış edən Sabirə Bayramova,  Mahir İsayev tarixi faktlar, o cümlədən arxiv sənədləri əsasında faşizm üzərində qələbənin qazanılmasında böyük xidmətləri olan azərbaycanlı hərbçilər haqqında geniş məlumat verdilər.

Filialın əməkdaşları Aytən Vəliyeva və Fidan Babayeva İkinci Dünya Müharibəsi iştirakçısı olan azərbaycanlıların filialda mühafizə edilən şəxsi mənşəli sənədləri haqqında məlumat verdilər.

Sonda Böyük Vətən Müharibəsində iştirak etmiş həmvətənlərimizin arxivdə mühafizə olunan şəxsi mənşəli sənədləri, həmçinin arxiv işçilərinin şəxsi təşəbbüsü nəticəsində toplanmış materiallar əsasında hazırlanmış sərgi nümayiş etdirildi və xatirə şəkilləri çəkdirildi.

 


Bugün: 811
Dünən: 923
Bu həftə: 811
Son həftə: 5132
Bu Ay: 18185
Son Ay: 25116
Bu İl: 132274
Ümumi: 1152695
1152695