Dövlət Arxivinin Şəki filialına şagirdlərin ekskursiyası təşkil olunmuşdur

30 Dekabr 2021 06:12 XƏBƏRLƏR Baxış sayı : 860

Azərbaycan Respublikasının Milli Arxiv İdarəsi tərəfindən təsdiq olunmuş Dövlət Arxivi Şəki filialının 2021-ci ilin İş planına uyğun olaraq filialın və Şəki şəhər 11, 20 saylı tam orta məktəblərinin, və Qaradağlı kənd orta məktəbinin yuxarı sinif şagirdlərinin filiala ekskursiyası təşkil olunmuşdur.

Ekskursiyada ARDA Şəki filialının direktoru Ehtiram Məmmədov şagirdlər qarşısında çıxış edərək arxivin əsas iş fəaliyyəti istiqamətləri o cümlədən filialın əhatə etdiyi Zaqatala, Oğuz, Balakən və Qax rayon dövlət arxivləri haqqında, həmçinin sənədlərin dövlət arxivlərinə qəbulu, mühafizəsi, uçotu, istifadəsi, rəqəmsallaşdırılması və elektron xidmətlər haqqında ətraflı məlumat vermişdir.

Daha sonra şagirdlər arxivdə sənədlərin mühafizə şəraiti ilə əyani tanış edilmiş, onları maraqlandıran sualları cavablandırılmışdır.