03 mart 2023-cü il tarixində Dövlət Arxivinin Şirvan filialın komplektləşdirmə məbələrinin, o cümlədən Şirvan şəhərinin idarə, müəssisə və təşkilatlarının arxivçiləri üçün keçirilmiş təlimdə Şirvan şəhər İcra Hakimiyyəti aparatının Hüquq şöbəsinin məsləhətçisi  Azər Hüseynov, Hacıqabul Rayon Dövlət Arxivinin müdiri Vüsal Nağıyev və  Şirvan şəhərində fəaliyyət göstərən idarə, müəssisə və təşkilatların arxivçiləri eləcə də  arxiv işinə məsul şəxsləri iştirak etmişdir.

23 təşkilatın nümayəndəsinin qatıldığı tədbirdə Dövlət Arxivi Şirvan filialının direktoru Nəsibə Məmmədova  idarə, müəssisə və təşkilatlarda arxiv işinin təşkili, qanunvericilik, normativ hüuqi aktların tələbləri haqqında, o cümlədən “Azərbaycan Respublikasında arxiv işinin inkişafına dair 2020-2025-ci illər üçün Dövlət Proqramı”nın icrası barədə məlumat vermiş, qəbul  edilmiş yeni normativ hüquqi aktlar barəsində iştirakçıları məlumatlandırmışdır.

Daha sonra idarə, müəssisə və təşkilatlarda arxiv işində önə çıxan problemlər və onların həlli yolları, təşkilatlarda müddətdən artıq saxlanılan sənədlərin dövlət arxivinə təhvil verilməsi zamanı qarşıya çıxan çətinliklər, o cümlədən idarə arxivlərinin pasportlaşması və s. mövzular ətrafında diskussiya xarakterli müzakirələr aparılmış, suallar cavabalandırılmışdır.

           Tədbirin sonunda iştirakçılar filialın oxu zalında 44 günlük Vətən Müharibəsi  Şəhidlərinin əl işlərindən ibarət sərgi ilə tanış olmuşdurlar.