Azərbaycan Respublikasının

Milli Arxiv İdarəsi

Arxiv işlərinə gərək çox ciddi fikir verək.
Bir tərəfdən ona görə ki, bu, xalqımızın tarixini əks etdirən
yeganə mənbədir. İkincisi də ona görə ki, tariximizi təhrif
edənlərin qarşısını almaq üçün çox mühüm amildir.

Son Xəbərlər

Dövlət Arxivinin Şirvan filialında tanınmış şair Qəşəm Nəcəfzadə ilə görüş keçirilmişdir

Dövlət Arxivinin Şirvan filialının təşkilatçılığı ilə Şirvan şəhərində tanınmış şair, Əməkdar mədəniyyət işçisi Qəşəm Nəcəfzadə ilə görüş keçirilmşdir.

9 iyun Beynəlxalq Arxivlər günündə baş tutmuş tədbirdə Hacıqabul, Sabirabad, İmişli Rayon Dövlət Arxivlərinin, Yeni Azərbaycan Partiyasının Şirvan şəhər təşkilatının, Tarix Diyarşünaslıq Muzeyinin, Heydər Əliyev Mərkəzinin, Şirvan İdman və Gənclər İdarəsinin məsul nümayəndələri, Şirvan şəhər Peşə liseyi və Şirvan şəhər 18 saylı orta məktəbinin müəllim və şagirdləri, şəhər ziyalıları iştirak etmişdilər.

Görüşdə şairin yaradıcılığı haqqında Dövlət Arxivinin Şirvan filialının direktoru Nəsibə Məmmədova məlumat vermiş, “Bədii yaradıcılıq da gələcək üçün bir arxivdir” şüarı altında şairin bir neçə şeirini səsləndirmişdir.

Tədbirdə çəxış edən Qəşəm Nəcəfzadə oxucuların suallarını cavablandırmış, yeni şeirlərini oxumuş və kitablarını hədiyyə etmişdir.

            İştirakçılar həmçinin Dövlət Arxivinin Şirvan filialında "Arxivlər yaddaş və irsdir" adlı sərgiyə baxış keçiriblər. Sərgi materialları filialda mühafizə olunan daimi saxlanma müddətli Şirvan (Əli Bayramlı) şəhərinin tarixini əks etdirən sənədlərdən, Şirvanın tanınmış ziyalılarına aid  şəxsi mənşəli fondlar olan Akif Abbasov və Eldar Qəmərli yaradıcılığından nümunələr, Vətən müharibəsi şəhidlərinin şəxsi kolleksiyalarından ibarət olmuşdur. 

 

 

 


Bugün: 780
Dünən: 923
Bu həftə: 780
Son həftə: 5132
Bu Ay: 18154
Son Ay: 25116
Bu İl: 132243
Ümumi: 1152664
1152664