2021-ci ildə alman faşizmi üzərində Qələbənin 76-cı ildönümü qeyd olunmaqdadır.  Böyük Vətən Müharibəsində alman faşizminə  qarşı 700 minə qədər azərbaycanlı cəbhəyə yollanmış, onlardan 300 minə yaxını halak olmuşdur.

  Cəbhələrdə göstərdikləri qəhrəmanlıq və cəsarətə görə 130-dan çox soydaşımız "Sovet İttifaqı Qəhramanı" adına layiq görülmüş, 30 nəfər şərəf ordeni, 170 min əskər və zabitimiz isə SSRİ-nin müxtəlif orden və  medalları ilə təltif olunmuşlar. 

         Düşmən üzərində tarixi qələbənin qazanılmasında böyük rol oynamış yüz minlərlə oğul və qızlarımızın silahlanaraq, bütün cəbhələrdə düşmənə müqavimət göstərməsilə yanaşı, arxa cəbhədə, neft mədənlərində və zavodlarda, elmi laboratoriyalarda çalışmış azərbaycanlılar ümumi qələbənin təmin edilməsində əvəzsiz  igidlik göstərmişlər.

            Milli Arxiv İdarəsi Dövlət Arxivinin və Dövlət Kino-Foto Sənədləri Arxivinin materialları əsasında Azərbaycanın Böyük Vətən Müharibəsində iştirakına dair hazırlanmış virtual sərgini istifadəçilərin ixtiyarına vermişdir.  Sərgidə rəşadətli xalqımızın müharibə illərində ön və arxa cəbhədə əzmkar fəaliyyətini özündə əks etdirən sənədlərdən yalnız bir qismi  yer almışdır.

           Sərgi ilə BURADAN tanış ola bilərsiniz.