Milli Arxiv İdarəsində Yeni Azərbaycan Partiyası ilk ərazi təşkilatının hesabat-seçki yığıncağı keçirilmişdir.

29 Mart 2017 06:30 XƏBƏRLƏR Baxış sayı : 1170

Yığıncaqda Milli Arxiv İdarəsinin rəisi Ataxan Paşayev, İdarənin rəis müavini Əsgər Rəsulov, YAP Binəqədi rayon təşkilatının sədr müavini Vüsar İsmayılov MAİ YAP ilk ərazi təşkilatının idarə heyətinin üzvləri və YAP üzvləri iştirak edirdilər.

İclası giriş nitqi ilə İdarənin rəis müavini Əsgər Rəsulov açaraq, YAP-ın müasir Azərbaycan dövlətinin taleyində oynadığı müstəsna roldan danışaraq, Azərbaycan xalqının partiyaya dönməz etimad göstərdiyini vurğulamış, MAİ YAP ilk ərazi təşkilatının son hesabat dövründə gördüyü işlərə qısa şərh vermişdir.

Daha sonra ilk ərazi təşkilatın sədri Yeganə Cabbarlı hesabat məruzəsi ilə çıxış etmiş, təşkilatın ötən dövr ərzində həyata keçirdiyi tədbirlər haqqında məlumat vermişdir. Yığıncaqda çıxış edən Vüsar İsmayılov YAP-ın qurulması, fəaliyyəti haqqında tarixi faktlara ekskurs edərək bəzi məqamları iclas iştirakçılarının nəzərinə çatdırdı.

Sonda MAİ YAP ilk ərazi təşkilatının yeni idarə heyətinin üzvləri, sədr, müavin, həmçinin YAP Binəqədi rayon təşkilatının 9-cu konfransına nümayəndələr seçilərək, partiya sıralarına yeni daxil olan əməkdaşlara üzvlük vəsiqələri təqdim edildi.

ASH 0600