“Kaspi” qəzetinin 06 mart 2021-ci il tarixli, 009 (4007) saylı buraxılışında və www.kaspi.az  saytında Azərbaycan Respublikası Milli Arxiv İdarəsi Sənədlərin nəşri və istifadəsi şöbəsinin baş məsləhətçisi Rafiq Səfərovun “Tağıyevin maarifçilik fəaliyyətinin şanlı səhifəsi. Bakıda müsəlman qızlar üçün ilk dünyəvi məktəb necə yaradıldı?” adlı məqaləsi dərc edilmişdir. Məqalədə XIX əsrin sonu XX əsrin əvvəllərində Azərbaycanın görkəmli  mesenatı kimi tarixə düşmüş H.Z. Tağıyev tərəfindən Rusiya İmperiyası ərazisində ilk dəfə olaraq Bakıda Müsəlman qızlar üçün öz doğma Azərbaycan dilində təhsil verəcək dünyəvi məktəbin açılmasından bəhs edilir. Məqalədə xüsusi olaraq vurğulanır ki, Azərbaycanda  milli ziyalı  qadın təbəqəsinin  yaradılmasındamasında, Azərbaycanın maarifçilik tarixində dünyəvi  qadın  təhsilinin inkişafında, Azərbaycan qadınının dünyavi təhsil almasında H.Z.Tağıyevin təşkil etdiyi ilk müsəlman qız məktəbinin  əhəmiyyətli  xidmətləri  olmuşdur. Bu məktəbi  bitirən onlarla azərbaycanlı qızlar sonrakı  dövrlərdə, xüsusilə 1918-1920-ci  müstəqillik  illərində  millətimizin  mədəni  tərəqqisində, Azərbaycan  Xalq Cümhuriyyətinin təhsil  siyasətinin  həyata  keçirilməsində  yaxından  iştirak  etmişdilər. Məqalə sırf arxiv sənəd və materialları əsasında yazıldığı üçün xüsusi əhəmiyyə malikdir.

Məqalənin  tam  mətni  ilə  BURADAN və tanış  ola  bilərsiniz.