Azərbaycan Respublikasının

Milli Arxiv İdarəsi

Arxiv işlərinə gərək çox ciddi fikir verək.
Bir tərəfdən ona görə ki, bu, xalqımızın tarixini əks etdirən
yeganə mənbədir. İkincisi də ona görə ki, tariximizi təhrif
edənlərin qarşısını almaq üçün çox mühüm amildir.

Son Xəbərlər

Qırğızıstanın Bişkek şəhərində MDB ölkələrinin dövlət arxiv xidməti rəhbərlərinin Məşvərət Şurasının növbəti iclası keçirilmişdir.

İclas  30-31 oktyabr tarixlərində Qırğızıstan Respublikasının Bişkek şəhərində keçirilmişdir. Şuranın iclasında MDB üzvü olan ölkələrdən Azərbaycanla yanaşı Rusiya, Qazaxıstan, Belarusiya, Özbəkistan, Tacikistan, Qırğızıstan arxiv xidməti rəhbərləri və nümayəndələri, həmçinin MDB İcraiyyə Komitəsinin həlledici səs hüquqlu nümayəndəsi iştirak edirdi. Azərbaycan Respublikasını tədbirdə Milli Arxiv İdarəsinin Sənədlərin istifadəsi və nəşri şöbəsinin müdiri, İnformasiya təminatı və elektron xidmətlər mərkəzinin rəhbəri Natiq Eminov təmsil etmişdir.

Tədbirin gündəliyinə uyğun olaraq, Məşvərət Şurasının üzvləri təmsil etdikləri ölkələrdə 2018-2019-cu illərdə arxiv işi sahəsində görülmüş işlər, mövcud problemlər və perspektivlər barəsində məlumat vermişdirlər. Üzv ölkələr üzrə çıxışlardan sonra gündəlikdə duran məsələlər barəsində aidiyyəti üzrə müzakirələr keçirilmiş, fikir mübadiləsi aparılmış və müvafiq qərarlar qəbul edilmişdir.  Belə ki, şəxsi heyət sənədləri üzrə MDB ölkələrini əhatə edəcək vahid elektron informasiya bazasının yaradılması ilə bağlı ilkin razılığa gəlinmişdir. İclasda həmçinin Ümumrusiya Sənədşünaslıq və Arxiv işi Elmi-Tədqiqat İnstitutunun (ВНИИДАД) direktoru N. Kunyayev sözügedən qurumun fəaliyyəti barəsində məlumat vermişdir.

Daha sonra Beynəlxalq Arxiv Şurasının regional bölməsi olan EVRAZİKA nın 20 illik yubiley iclası keçirilmişdir. MDB üzvü olan ölkələrin arxiv xidməti nümayəndələri ilə yanaşı Polşa, Latviya və Çin arxiv xidməti nümayəndələri iclasda iştirak edirdilər.

Tədbir çərçivəsində “Arxiv sənədlərinin istifadəsi sahəsində müasir problemlər” mövzusunda beynəlxalq elmi-praktiki konfrans Qırğızıstanda arxiv işinə həsr olunmuş sərgiyə baxış keçirilmişdir.  

 

 

 


DİGƏR XƏBƏRLƏR



Bugün: 402
Dünən: 476
Bu həftə: 402
Son həftə: 3614
Bu Ay: 5556
Son Ay: 14601
Bu İl: 134046
Ümumi: 246665
246665