14 Noyabr 2022 09:00 XƏBƏRLƏR Baxış sayı : 919
Salman Mümtaz adına Dövlət Ədəbiyyat və İncəsənət Arxivinə Azərbaycan Respublikası Dini Qurumlarla İş üzrə Dövlət Komitəsinin tabeliyindəki Azərbaycan İlahiyyat İnstitutunun tələbələrinin ekskursiyası təşkil olunmuşdur.
Arxivin direktoru Könül Nəsibova tələbələr qarşısında çıxış edərək sahə üzrə normativ hüquqi aktların tələblərini, dövlət arxivlərinin əsas iş qaydalarını tələbələrə izah etmiş, sənədlərin mühafizəsi, uçotu, komplektləşdirilməsi, istifadəsi, rəqəmsallaşdırılması və göstərilən elektron xidmətlər haqqında məlumat vermişdir.
Daha sonra arxivin şöbə müdirləri Cavid Məmmədli, Mətanət Qasımova və Xatirə Vəliyeva arxivdə mühafizə edilən sənədlər, o cümlədən sənədlərin komplektləşdirilməsi və mühafizəsi qaydası haqqında tələbələrə məlumar vermiş və onların suallarını cavablandırmışlar. Sonra sənədlərin mühafizəsi şəraiti əyani olaraq tələbələrə nümayiş etdirilmişdir.
Ekskursiyanın sonunda arxivin sənədləri əsasında nəşr edilmiş “Salman Mümtazın publisistikası arxiv sənədlərində” adlı kitab İnstitutun Dinşünaslıq kafedrasının müəllimi İradə Tağıyevaya təqdim olunmuşdur.
| Bugün: | 1488 |
| Dünən: | 1607 |
| Bu həftə: | 6318 |
| Son həftə: | 14312 |
| Bu Ay: | 44135 |
| Son Ay: | 55392 |
| Bu İl: | 196174 |
| Ümumi: | 1890099 |
AZ1106, Bakı şəhəri, Ziya Bünyadov pr., 3
Tel: (+99412) 562 97 75 Faks: (+99412) 562 97 56 E-mail: info@milliarxiv.gov.az
