Qloballaşan müasir dövrümüzdə idarəetmə sistemində modernləşmə yeni idarəetmə modelləri zərurətini yaratmışdır. Prezident cənab İlham Əliyevin rəhbərliyi ilə aparılan ardıcıl islahatlar idarəetmənin təkmilləşdirilməsinə, yeni düşüncə tərzinin formalaşdırılmasına istiqamətlənmişdir.Yeni idarəetmə modellərinin əsas prinsiplərindən biri şəffaflığın artırılmasının ön plana çəkilməsidir. Bu baxımdan, dövlətimizin başçısı tərəfindən demokratik idarəçiliyin formalaşdırılması, dövlət orqanlarının fəaliyyətində şəffaflığın, operativliyin artırılması, xidmətlərin daha keyfiyyətli və müasir innovasiyalarla həyata keçirilməsi, korrupsiya və rüşvətxorluğun qarşısının alınması məqsədilə dövlət orqanlarının qarşısında yuxarıda qeyd edilən prinsiplərə əsaslanan idarərtmə mexanizmi, vətəndaş müraciətlərinin qəbulu, icrası və cavablandırılması sahəsində müasir xidmət səviyyəsinin yaradılması vəzifəsi qoyulmuşdur. Məhz bu istiqamətdə qanunvericilik aktlarının qəbulu, “Açıq hökümətin təşviqinə dair 2016-2018-ci illər üçün Milli Fəaliyyət Planı” və digərləri bu sahədə əsas baza rolunu oynamışdır.
Azərbaycan Respublikasının Milli Arxiv İdarəsi qanunvericiliyin tələbləri, həmçinin ölkə rəhbərliyinin tapşırıq və göstərişlərini əldə rəhbər tutaraq, vətəndaş məmnunluğunun, şəffaflığın, innovativ vasitələrin idaretmə sistemlərində tətbiqini əməli işdə cəmləşdirmiş, İdarə və onun tabeliyində fəaliyyət göstərən dövlət arxivlərinə müraciətlərin “Bir Pəncərə” sistemi vasitəsilə, 10 may 2017-ci il tarixindən etibarən Bakı şəhəri, Ziya Bünyadov prospekti 3-də yerləşən əsas inzibati binasında qəbuluna başlamışdır. Sistemin adından da göründüyü kimi vətəndaşların Milli Arxiv İdarəsinin göstərdiyi bütün dövlət xidmətləri üzrə müraciətləri “Bir Pəncərə” sistemi vasitəsilə qəbul edilir və cavablar da həmin sistem vasitəsilə vətəndaşa çatdırılır. Burada əsas prinsip arxivlərin təhlükəsizliyini və vətəndaş məmnunluğunu təmin etmək, vətəndaşların əlavə vaxt itkisinin qarşısını almaq, müraciətlərin idarə olunmasına nəzarəti daha da gücləndirməkdən ibarətdir. "BİR PƏNCƏRƏ" elektron növbə və xidmətin elektron idarəedilməsi üçün müvafiq sistem və proqram təminatı ilə təmin edilmişdir.
| Bugün: | 552 |
| Dünən: | 816 |
| Bu həftə: | 3030 |
| Son həftə: | 6294 |
| Bu Ay: | 22033 |
| Son Ay: | 25108 |
| Bu İl: | 288182 |
| Ümumi: | 1308603 |
AZ1106, Bakı şəhəri, Ziya Bünyadov pr., 3
Tel: (+99412) 562 97 75 Faks: (+99412) 562 97 56 E-mail: info@milliarxiv.gov.az
