05-14 sentyabr 2017-ci il tarixində Malayziya Texniki Əməkdaşlıq Proqramı (MTCP)çərçivəsində Malayziyanın Milli Arxiv İdarəsi tərəfindən “Elektron sənədlərin idarə olunması sistemləri: Malayziya Hökumətinin təcrübəsi” mövzusunda beynəlxalq təlim proqramı təşkil edilmişdir. Proqramda iştirakçı kimi Azərbaycan, İndoneziya, Bruney, Meksika, Kot-d'İvuar, Banqladeş, Kamboca, Laos nümayəndələri dəvət olunmuşdurlar. Tədbirdə Azərbaycanı Milli Arxiv İdarəsinin İnformasiya təminatı və elektron xidmətlər Mərkəzinin rəhbəri, baş məsləhətçi Natiq Eminov təmsil etmişdir.

     Beynəlxalq proqram çərçivəsində Malayziya Milli Arxiv İdarəsinin elektron sənədlərlə iş, kağız əsaslı arxiv sənədlərin elektron daşıyıcılara köçürülməsi  informasiya sistemlərinin təhlükəsizliyi, data mərkəzlər və s. haqqında  məruzələr dinlənilmiş, işin əyani nümayişi həyata keçirilmişdir. Bundan başqa Malayziyanın Xarici İşlər Nazirliyində, Malayziya İnzibati Modernləşdirmə və İdarəetmə, Planlaşdırma Birliyində (MAMPU), həmçinin Malayziya Milli Arxiv İdarəsinin müxtəlif struktur bölmələrində görüşlər keçirilmişdir. 

      Tədbirin sonunda əməkdaşımızın Azərbaycan Respublikasının Malayziyadakı Səfirliyinin əməkdaşları ilə görüşü olmuşdur.